牧羊少年咖啡館 (雅蘭中心)

營業中

休息中

今日第一次食呢間，因為剛見完牙醫，所以上午一直未食任何野。下午3點幾去到，店內食客約九成滿，看似幾好生意。坐下看餐牌，下午茶選擇不多，不過仍然可以揀午餐，但係由於座位吹正冷氣，實在太凍而要求換位，估唔到侍應都能耐心接侍。上餐時，食物熱度充沛，只係賣相相當一般，更想不到的是味度算中上，例如它的意粉有咬口，個汁味道很有特色，牛肉算滑並且沒有筋。另一個係pizza兩片，份量實在太少，但味道還是幾好。另一個問題係店內相當嘈雜，客人多是一個原因，更可能是因為店內陳設反射聲音太多，所以有點吵耳。這店的服務水平算高，是香港少見的，而且侍應多數係年輕人，值得讚賞。