定食 Doraya (厚福街)

營業中

休息中

因為要趕份report，我哋成team要一齊OT去踩份嘢，做到咁上下我哋大佬話不如食咗嘢先繼續做，帶我哋去食啲好嘢。去到厚福街，平時都係喺附近食個碟頭飯就算，今次我哋岀去食魚生飯，個level升咗幾倍，價錢都升咗兩三倍。打開餐牌，選擇非常多，睇咗一陣最後決定要個呑拿魚蓉丼。如果多幾個人嘅話我會想說服大家一齊食個呑拿魚餃，呢個就等下次先啦。定食除咗個呑拿魚丼，仲有沙律、蛋同埋湯，我就加10蚊升級個測，由一般味噌湯變個蜆肉味噌湯。講返個丼，肥美嘅呑拿魚蓉再加隻温泉蛋，冇得輸。等埋單嗰陣同同事研究餐廳掛嘅日本魚類海報，發覺魚嘅種類比我哋想像中多好多。