影片
更多
2019-03-25
432 瀏覽
最近日韓台菜已經食到好厭，就發掘下其他唔同國家既餐廳。呢間Le Souk係米芝蓮推薦既摩洛哥菜餐廳，未食之前已經相當期待，最後果然冇令我失望，食物相當有水準，值得推薦👍🏻👍🏻嗌左個 Moroccan Pumpkin Soup 摩洛哥南瓜湯作為前菜，作為一個初嚐摩洛哥菜式嘅小薯仔，真係未飲過咁好飲既南瓜湯！平時食西餐嘅南瓜湯普遍味道香甜為主，而摩洛哥南瓜湯除咗保留南瓜本身嘅香甜，仲帶點微辣辛香，非常有層次既味道，飲落去有熱辣辣既感覺，令人回味無窮，好想再黎多碗！Hommos with Lamb 鷹嘴豆泥配羊肉粒，相當令人驚艶既前菜。平日對鷹嘴豆冇乜好感，但呢個菜式同 Sahara Bread 絕對係天作之合。Sahara Bread 共有兩塊，分別以小麥粉同白麵粉製成，表面較乾身，內裡香軟，微暖既包配以鷹嘴豆泥，非常搭配，個人特別鐘愛小麥包。鷹嘴豆泥上既羊肉粒帶點羶香，羊肉流落黎既肉汁同鷹嘴豆泥融為一體，而包就岩岩好中和左肉類既膩感，不得了。主菜係 Lamb Tagine 燉羊肉，羊肉非常香軟，每一口都係羊既香味，羶味岩岩好，重點係食落唔會膩。第二道主菜係 Seabass Tagine
最近日韓台菜已經食到好厭，就發掘下其他唔同國家既餐廳。呢間Le Souk係米芝蓮推薦既摩洛哥菜餐廳，未食之前已經相當期待，最後果然冇令我失望，食物相當有水準，值得推薦👍🏻👍🏻
嗌左個 Moroccan Pumpkin Soup 摩洛哥南瓜湯作為前菜，作為一個初嚐摩洛哥菜式嘅小薯仔，真係未飲過咁好飲既南瓜湯！平時食西餐嘅南瓜湯普遍味道香甜為主，而摩洛哥南瓜湯除咗保留南瓜本身嘅香甜，仲帶點微辣辛香，非常有層次既味道，飲落去有熱辣辣既感覺，令人回味無窮，好想再黎多碗！
Hommos with Lamb
鷹嘴豆泥配羊肉粒，相當令人驚艶既前菜。平日對鷹嘴豆冇乜好感，但呢個菜式同 Sahara Bread 絕對係天作之合。
Sahara Bread 共有兩塊，分別以小麥粉同白麵粉製成，表面較乾身，內裡香軟，微暖既包配以鷹嘴豆泥，非常搭配，個人特別鐘愛小麥包。鷹嘴豆泥上既羊肉粒帶點羶香，羊肉流落黎既肉汁同鷹嘴豆泥融為一體，而包就岩岩好中和左肉類既膩感，不得了。
主菜係 Lamb Tagine 燉羊肉，羊肉非常香軟，每一口都係羊既香味，羶味岩岩好，重點係食落唔會膩。
第二道主菜係 Seabass Tagine ，鮮味十足既魚肉配上類似蕃茄既醬汁。
魚肉軟滑，醬汁微酸，口味清新，撈飯一流。
另外我地嗌左 雜果賓治 同 啤酒，呢間餐廳絕對值得一試！
張貼
