喜來稀肉 (瓊華中心) (已結業)

好耐冇食過韓燒啦，知道旺角新開左喜來稀肉，之前食過佢其他分店，都覺得味道相當唔錯，睇吓呢間新開嘅分店keep唔keep到個水準先呢間新分店係喺瓊華中心嘅， 搭lift上到去，見到個裝修真係嘩左一聲，佢嘅佈置有種好Grand嘅感覺，每個座位都超大超好坐，仲有就係佢嘅通風好好，唔會有好大陣油煙味食物方面梗係主打食燒肉啦，牛肉豬肉任君選擇，仲有比較特別嘅護心肉呢度都有，另外佢出面仲有個自助吧，可以拎啲生菜，泡菜，芽菜呢啲嘅配菜😊我同朋友就叫咗牛舌：呢個牛舌相當大盤，佢仲要用特製嘅醬汁調咗味，肉質相當鮮嫩同有咬口，呢個爐度每邊燒幾秒就即刻食得，點埋佢個芥末籽醬😍牛五花：呢個牛五花相當之正，因為佢有少少嘅肥肉喺上面，又做到肥瘦均勻，燒完之後有少少油脂喺上面喺個口到溶化😋手抓紫菜飯團：呢個上面鋪滿左蟹子，用手將紫菜蟹子同飯混合埋一齊，口感十足👍🏻呢間分店果然同其他分店一樣，都保持到水準，仲要係新裝修，加咗唔少分😍