関東酒場 (已結業)

関東酒場（大角咀）地址: 大角咀利得街11號利奧坊地下G504號舖=============今日放工想來點不一樣😆同朋友行過利奧坊見到呢間餐廳裝修特別仲有清酒任飲，其實只要飲得，幫襯佢放題都幾抵！同朋友揀左竹放題，清酒任飲！之後店員十分熱心，帶我地去酒櫃講解，下面三排都可以任飲，左面櫃屬於較甜既酒，右面櫃屬於較乾既酒😋😋揀左ge 酒會倒落細樽，唔洗焗住成大支一次過飲晒就係佢ge 好處！咁就可以試多幾款酒！ 覺得佢ge 酒幾fresh!柚子味清酒ge柚子味好重，甜味好易入口！仲試左60%米酒，好濃米味，酒味濃烈😍落完Order即送兩杯雞湯，俾大家浪一浪胃，十分貼心！湯味唔會太濃，唔洗擔心影響接下來品酒同食美食既味覺！另外叫左好多野食！北海道風雞皮烏冬，關東煮，雞軟骨，唐揚墨魚咀，唐揚炸雞等等，d 炸物全部都係即炸，火喉控制得十分好，外脆內軟！炸雞咬落去即刻噴汁，十分Juicy!唐揚墨魚咀調味比一般咸。作為佐酒小食越食越香口，飲酒既朋友必點！如果怕太咸亦可點沙律醬中和返，另外亦有千島醬同茄汁可供選擇。🍗如果你都係好酒之人，建議大家都來試一試呢間餐廳，嘢食同嘢飲都超好味😍