616牛肉火鍋專門店 (錦榮街) (已結業)

新蒲崗新開左間牛肉火鍋專門店！！呢間野撞正疫情發生既時候開，可能大家暫時未想出街打邊爐住，不過真係要極力推介呢間黃店，曾經默默地派口罩俾街坊！講番食評，我同男朋友一時興起走黎打邊爐，見到有好多牛既唔同部位可以揀，不過小女子才疏學淺，都係亂揀，但店主好有心痴哂唔同部位既食法響枱面，結果我同男朋友就每樣都試啲，全部都好好食！牛肉肉質嫩口彈牙，同一般打邊爐肥牛好唔同！我自己好中意擠佢個柑桔汁用黎點牛肉食，超級開胃！店裏面做足防疫措施，亦見到有外賣做，大家一定要黎試下！