醉胡爐 (已搬遷) 新店位置

成日去打邊爐都覺得無乜私隱，同隔離台太近而且都幾嘈，唔係好適合同朋友傾吓偈喝野。但係竟然比我揾到哩間醉胡爐，主打私隱度高，有大量廂房，四個人已經可以包一間，可以慢慢飲住野打邊爐，爽呀👏🏻 餐廳有兩層，面積夠哂大，裝修精緻舒服，非常耐坐😍我地今次兩個人都叫左唔少野食:🍴招牌雜菌湯底湯底絕對係今餐mvp! 勁足料！好多菇菇煲出嚟嘅湯底好香好濃，開始打邊爐之前已經飲左三碗🤣🍴手切安格斯肥牛油脂分布好平均，切得幾大件有口感，淥十秒食得👍🏻🍴五寶丸個黑松露墨魚丸超彈牙！入面勁多墨魚粒，好正👍🏻👍🏻另外芝心蝦丸都好高質，yummy🥰🍴五寶餃填肚之選，雲吞，黑松露餃，水餃等等，皮夠薄，餡料足，唔錯👍🏻🍴蔬菜拼盤最後食埋個蔬菜拼盤解滯，全部菜都好靚仔好新鮮野食高質，私隱度高，下次揾多啲朋友包房先！