影片
更多
2022-09-04
59 瀏覽
關西壽喜燒🇯🇵日本產A五和牛套餐🍵餐廳供應嘅係白桃綠茶，清甜解暑，從服務細緻嘅程度看出餐廳嘅質素同心思。🥢三式前菜自家製和牛餃子，黃牛味香濃，啖啖肉，咬落去立即爆汁。柚子大根酸酸甜甜，非常開胃。拖羅和牛飯團，每一口都食到拖羅同和牛嘅鮮味同肥美，令人回味無窮。🥢廚師為我哋講解今晚食嘅和牛各部分同次序。會由油脂比較多嘅牛部分開始食起。每人一碗加咗芝麻嘅香棉白飯，日本生雞蛋。🥢首先係和牛肉眼部分，比較濃味，油脂比較多，加咗少少鹽，再點生雞蛋，質感更豐富，滿足感更大。🥢上肩里脊肉日文名係Zabuton，係高級和牛稀少嘅部位，所以特別珍貴。油花漂亮，肉味濃；肉質柔嫩多汁，入口即溶 ！廚師建議我哋包住大葱食，提升味覺享受！🥢上肩肉這部分運動量比較大，因此油脂分佈均勻，霜降雪花，肉質柔軟細膩。油脂的甘甜同紅肉的香濃肉味相得益彰。🥢廚師邊煮邊介紹牛板健嘅特色，係中間有一根透明的嫩筋。係牛板健獨有，而且唔會嚼唔開，令口感層次更多！🥢三角腩即牛小排比較接近牛肋骨，肉面布滿清晰的網狀油花，肉質非常軟嫩，牛肉香味亦更為濃郁，創造多汁醇嫩的味蕾體驗！🥢和牛後腰蓋柳係近牛臀部骨頭周邊嘅肉，由於鄰近腿部，經常運動嘅
🍵餐廳供應嘅係白桃綠茶，清甜解暑，從服務細緻嘅程度看出餐廳嘅質素同心思。
🥢三式前菜
自家製和牛餃子，黃牛味香濃，啖啖肉，咬落去立即爆汁。柚子大根酸酸甜甜，非常開胃。拖羅和牛飯團，每一口都食到拖羅同和牛嘅鮮味同肥美，令人回味無窮。
🥢廚師為我哋講解今晚食嘅和牛各部分同次序。會由油脂比較多嘅牛部分開始食起。每人一碗加咗芝麻嘅香棉白飯，日本生雞蛋。
🥢首先係和牛肉眼部分，比較濃味，油脂比較多，加咗少少鹽，再點生雞蛋，質感更豐富，滿足感更大。
🥢上肩里脊肉日文名係Zabuton，係高級和牛稀少嘅部位，所以特別珍貴。油花漂亮，肉味濃；肉質柔嫩多汁，入口即溶 ！廚師建議我哋包住大葱食，提升味覺享受！
🥢上肩肉這部分運動量比較大，因此油脂分佈均勻，霜降雪花，肉質柔軟細膩。油脂的甘甜同紅肉的香濃肉味相得益彰。
🥢廚師邊煮邊介紹牛板健嘅特色，係中間有一根透明的嫩筋。係牛板健獨有，而且唔會嚼唔開，令口感層次更多！
🥢三角腩即牛小排比較接近牛肋骨，肉面布滿清晰的網狀油花，肉質非常軟嫩，牛肉香味亦更為濃郁，創造多汁醇嫩的味蕾體驗！
🥢和牛後腰蓋柳係近牛臀部骨頭周邊嘅肉，由於鄰近腿部，經常運動嘅位置，肉質屬於比較多瘦肉少脂肪，口感精實煙韌，卻油脂充足！
🥢廚師將牛肉蔬菜菇類芋絲，交替煮成再放到我哋各人嘅碗裏。廚師邊煮邊淋上壽喜燒汁同水，保持濕潤同味道。更向我哋介紹日本傳統壽喜燒汁會落沙糖，令味道更濃郁。
🥢最後廚師為我哋煮濕炒飯，感覺好似日本版意大利飯。先落櫻花蝦同肉眼牛粒炒飯。再喺炒飯中間開個窿，加雞蛋再炒飯。最後加上香脆芝麻紫菜及葱花，可以晚晚食到就好了。最後最後更以豆腐雪糕作結。
張貼
