影片
更多
2018-08-19
153 瀏覽
今日朋友生日，諗住揀個好地方同佢慶祝下，近排登龍街兩旁的大廈先後翻新，都吸引左唔少特色食肆進駐，成為新嘅美食集中地，朋友話好少黎呢頭，所以帶佢黎見識下！朋友本身都好愛日本，一年都返幾次家鄉，所以今日就揀左28樓呢間日本料理同佢食，貪餐廳係做fusion菜，唔洗一味傳統咁悶，試下新野。餐廳名叫Kuro，日文意思係 黑，成間餐廳裝修都好配合個名，走黑色主調，佈局非常Grand，而座位亦非常寬敞，唔會話同隔離貼得太近，好有私人空間，近窗位置更可以望到維港景色。不過朋友揀左中間位坐，話天花板d仿氣球燈飾靚喎。餐廳有二人餐提供，亦有得散叫，種類都非常多。本身都想叫個二人餐試下，朋友怕二人餐太大份，所以話不如散叫食下刺身壽司咁。食完發現其實二人餐更加抵食，有大份刺身之餘，又有天婦羅同釜飯，喺最後會補個二人餐比大家參考下*另外我地都叫多左2杯野飲，亦比個cocktails menu 大家望望啦。首先前菜點左個薄切白身魚沙律，點白身魚原因係因為夏天當造，白身魚油分少，不油膩，配搭酸汁食更加開胃，可以中和一下夏天個種熱感。而餐廳以沙律配搭白身魚，以酸汁取代一般食沙律嘅黑醋，另有一翻風味，同時食用非常搭配
餐廳名叫Kuro，日文意思係 黑，成間餐廳裝修都好配合個名，走黑色主調，佈局非常Grand，而座位亦非常寬敞，唔會話同隔離貼得太近，好有私人空間，近窗位置更可以望到維港景色。不過朋友揀左中間位坐，話天花板d仿氣球燈飾靚喎。
餐廳有二人餐提供，亦有得散叫，種類都非常多。本身都想叫個二人餐試下，朋友怕二人餐太大份，所以話不如散叫食下刺身壽司咁。
食完發現其實二人餐更加抵食，有大份刺身之餘，又有天婦羅同釜飯，喺最後會補個二人餐比大家參考下*
另外我地都叫多左2杯野飲，亦比個cocktails menu 大家望望啦。
薄切白身魚沙律
$118
20 瀏覽
0 讚好
0 留言
首先前菜點左個薄切白身魚沙律，點白身魚原因係因為夏天當造，白身魚油分少，不油膩，配搭酸汁食更加開胃，可以中和一下夏天個種熱感。而餐廳以沙律配搭白身魚，以酸汁取代一般食沙律嘅黑醋，另有一翻風味，同時食用非常搭配。
大藍洞
$398
20 瀏覽
0 讚好
0 留言
大藍洞
$398
17 瀏覽
0 讚好
0 留言
之後點左個餐廳招牌刺身拼盤之一嘅大藍洞，本身都好好奇呢個大藍洞究竟有咩特別，不過刺身黎到，服務員已經即刻講解左。原來嗰個藍色豉油係以白豉油配搭藍莓素而成，味道偏甜同淡身。食落都幾有趣，可能因為係面有少少桂花，感覺有d花香味，好清新，而且豉油偏淡，更加能帶出剌身嘅鮮味，平政同牡丹蝦配合藍豉油，味道尤其特出，好有趣嘅嘗試。
壽司拼盤3x3
$298
24 瀏覽
0 讚好
0 留言
跟住係壽司拼盤3x3 ，一共9件不同款色壽司，魚類、貝類及蝦類、肉類各3件。
今日9件分別係:
魚類: Toro、深海池魚同三文魚
貝類: 凡立貝、赤貝、甜蝦
肉類: 鵝肝、牛肉、鴨胸
因為每款一件，未能試足咁多款，但試左鵝肝同牛肉壽司，印象非常深刻。鵝肝厚切，咬落非常滿足，而且香氣好濃，一試難忘。至於牛肉燒成半生熟，食落口雖然油感重，有d邪惡，但牛味濃郁，肥都要食呀。
鱈魚蟹膏燒
$188
17 瀏覽
0 讚好
0 留言
最後點左個鱈魚蟹膏燒，一般鱈魚味道偏淡，日式通常都會配酸汁吊味，但餐廳玩fusion菜，大膽以蟹膏放面燒，我完全無諗過個味可以咁夾。蟹膏咸香味，剛好同鱈魚嘅淡拎到個balance，唔會搶過風頭，反而互相輝映。好出色，呢個必食之選。
Sakura dream
$118
21 瀏覽
0 讚好
0 留言
最後野飲朋友叫左kuro shiro，我個杯係Sakura dream，見餐牌個圖靚而點。荔枝味幾重嘅cocktails，飲落幾清新。
埋單2個人$1318，以食物質素同環境黎講，唔算貴，食物幾有創意，味道亦唔錯，環境都好舒服。
不過之後覺得食2人餐更抵，因為2人餐先$1080，價錢差不多，但食物更豐富，有機會會再黎試下2人餐。
附上2人餐餐牌比大家參考下。
張貼
