露台餐廳

營業中

休息中

已經唔係第一次嚟食中午自助餐，環境舒適寧靜，好多位置都可以望到太空館，喜歡沒有太多人。食物質素依然好好，冷盤海鮮有熟帶子、大蝦、青口、螺等，最喜歡磯燒鮑魚，刺身有三文魚、吞拿魚、甜蝦、馬刀背等，壽司嘅賣相都好吸引，當然沙律都有好多選擇，蔬菜新鮮，今日有特色菜，摩洛哥海鮮湯，摩洛哥魚串，蟹餅，個牛柳都非常有肉味，牛肝菌汁煮豆腐都好好食，其中最令我印象深刻嘅係清湯牛舌，真係好香好香，食咗兩次。甜品嘅款式都非常精美，有些更是半島特產，high tea 食到嘅鬆餅，半島朱古力，仲有最喜歡的就係港式奶茶雪糕。