三希樓 (已結業)

今晚同爸爸去三希樓開餐，三希樓係時代廣場上面，地點方便，同老人家黎最適合不過。環境都幾舒適，餐廳裝修得幾古雅，一入門口已經擺了幾張木椅同裝飾品，同環境幾襯。呢度有好多菜式，唔止川菜，仲有燒鵝、油雞、乳豬等等，由於我哋鍾意食川菜，所以點左幾樣菜。頭盤有碟菜，海帶幾辣口，豆乾就唔辣。三椒豬手$138叫咗一碟三椒豬手，豬手唔係我哋平時食嗰啲豬手，佢將豬手切成一條狀，食落口，豬手皮幾爽脆，但係又唔覺得好肥膩，整體來講因為啲立美已經中和左油膩，整體來講辣得來幾滋味。水煮桂花魚$398水煮桂花魚好大，上面鋪滿晒乾辣椒，睇落去真係好震撼呀！分量亦都好足夠，有薯粉做底，講下啲乳腺，啲魚食落去好滑好香，簡直係欲罷不能啊！雖然一路食，一路流汗，但係水煮魚真係辣得好過癮！棗茸千層糕$40最後再食一碟千層糕，呢碟千層糕唔算好甜啱啱好，紅棗味好突出，煙煙韌韌咁都幾好食。