川府宴 (已結業)

一入到去就一種高級嘅感覺，裝修都幾精緻，牆上面有唔同富有中國特色嘅面譜，佢亦都擺咗好多唔同種類嘅酒樽，感覺上好高級！兩個人叫咗四個餸食完啱啱好夠飽！泡椒跳水蛙 - 望落份量比想像中少。食落應該有一隻水蛙，今次叫咗小辣，完全可以接受，佢個辣味好過癮，係慢嘅辣，唔會話一食就超級辣食唔到下一嚿，呢隻係後勁比較強。清炒萵筍絲 - 味道清甜，萵筍好爽口，食完水蛙再食呢個完全可以解辣。紅油抄手 - 因為佢有好多辣椒油，所以睇落好似好辣咁。食落少少麻但係唔係太辣。入面嘅餡好Juicy干鍋菜花 - 成煲都係菜花，唔會太油，好健康。入面仲有啲煙肉，但味道較鹹。整體來講佢啲辣嘅菜式都做得非常出色，下次會嚟食下佢個火鍋。