一君士多 (已結業)

新開張見裝修幾骨子，今日有空閒同妹妹去左上下，見佢好似好勁咁，網上睇見又有鮑魚又廣島蠔咁，貴都試下啦。我叫左幼麵底加特濃豬骨湯底、走青。首先d餸都算幾豐富，有蝦、花膠仔、廣島蠔、冬菇同鮑魚。蝦就一般冰鮮蝦啦，而花膠都算多，冬菇大隻厚肉既，廣島蠔飽滿但個心未熱晒，鮑魚都入味。湯底濃但無咩豬骨香味，覺得最好既係個麵，爽口彈牙的。成個麵收$98，比較高級既配料都覺得尚可，但整體感覺味道就真係一般般，正常好似我咁鍾意試新野，會試一次既😅但其實無咩驚喜。