一君士多 (已結業)

車仔麵周街都有得食，但一君士多最特別嘅地方就係佢有好多高級嘅配料可以點！食車仔麵再都唔係一件地踎嘅事情喇！！我哋今晚試咗一碗霸王麵，呢碗車仔麵勁啊：有鮑魚、花膠、廣島蠔、花菇，真係好豐富！鮑魚、廣島蠔同埋花菇都有兩隻，鮑魚唔會韌，蠔亦都好有鮮味，花膠有幾大塊！配個豬骨湯底，好好味！飲品要咗凍檸蜜，滋潤吓咁啦～另外仲叫咗車仔麵套餐，自己揀配菜：要咗牛腩、豬腸、鹵水雞翼、辣魚蛋，都係要豬骨湯底。牛腩同埋豬腸都煮得夠腍，滷水雞翼好入味，車仔麵配料必點呀！飲品椰汁冰都ok，唔會好甜。之後再另加一碟蠔油生菜，今餐好味又健康。