The Tai Pan

營業中

休息中

因為預訂了酒店staycation的套票，順道來到酒店的餐廳午餐，餐廳裝潢精緻講究， 適合高級商務午餐。由於經過OpenRice訂座，所以套餐有85折優惠。前菜係佢哋signature龍蝦沙律，凱撒沙律風格，沙律菜好新鮮，龍蝦啖啖肉鮮甜，有一片片嘅芝士，亦有脆脆麵包，入邊仲有啲魚仔乾，但佢哋做得好仔細，魚乾亦都有少少檸檬味。跟住另一個前菜係帶子，帶子浸在意大利湯汁，清甜不膩，亦有黑魚子相伴。如果選擇呢一個前菜，差不多等於有一個餐湯。到主菜我哋揀咗小牛扒和羊架，小牛扒調味很好，在肉嘅外層有調味粉，不太鹹，肉質林身多汁， 配蘆筍和薯蓉。我個人較為喜歡羊架， 分量足夠，調味汁料濃厚蕃茄味， 配上羊架亦很適合，另外旁邊有少量薯蓉，亦配上外國通心粉， 口感非常好味道濃郁。由於套餐只是三道菜，甜品需要另外加大約$100， 甜品係會另外有一架車仔推過來俾你選擇。今次選擇了芒果拿破崙和朱古力慕絲蛋糕，兩款蛋糕10分好味，不只是甜各項甜味鮮果味都配合得很好。