巴剎雞飯 (已結業)

之前周不時都會經過呢頭，覺得個氛圍都幾正，好chill 咁，可能因為好多酒吧同西餐廳嘅關係不過次次行埋去望到個Menu都覺得無論價錢同食物都唔係好吸引今日居然俾我發現咗呢間無論食物同環境都同呢條街唔係好夾嘅餐廳，完全係別樹一格，咁樣反而令我好有興趣試下，一黎我比較鍾意食亞洲菜，二黎佢嘅價錢都算係呢條街入面數一數二抵食我哋兩個人食到抱住個肚走都係人均百幾蚊~餐廳環境都幾地踎，擺枱方式似大排檔，圓枱大家圍坐~ 佢主打馬拉菜，我哋叫咗沙嗲串燒，炒蘿蔔糕，椰絲咖央手抓餅同雞~ 因為肉嘅份量好多，男友表示超滿足佢最鍾意就係沙嗲串燒，用炭爐上除咗有特色之餘，令到啲肉有少少炭燒香味，出面好難食到呢種風味，個人覺得係必試另外我自己都好鍾意炒蘿蔔糕，香噴噴有鑊氣好好食~ 如果黎開呢頭又唔想食西餐嘅話，都不妨試吓呢間性價比咁高嘅餐廳