密密燒

營業中

休息中

中意食串燒既我今日又試新野，黎到呢間自助串燒，淨係做夜市，勁熱鬧呀！🍅蔬菜淨係蔬菜都有幾款既選擇，三色椒微微燒完咁食真係仲爽脆，口感仲好，聖女茄就細細粒，但係都好多汁，豆卜又夠脆，但咬落就好鬆化，全部都得！🍢丸啲丸有我最中意既款，有牛丸啦，有魚片頭啦，有魚皮蝦餃啦，有芝士豆腐啦，款款好食，芝士豆腐軟熟得黎真係有啲流心芝士，又燒到脆脆地，仲有啲黑椒腸都好好食囉！🥩肉唔同既肉都幾好食，好似豬梅肉就夠晒嫩，少少肥膏岩岩好呀，牛有西冷，牛西冷就啲肉實啲有咬口啲，但都好香牛味呀，雞翼都好正，燒雞翼就最好食架啦！🐟魚多春魚勁正囉，一條條好肥好多魚籽，燒到脹卜卜咁食，熱辣辣！