影片
更多
2023-03-05
94 瀏覽
元朗千色附近開左一間主打蛋包飯嘅外賣店，叫「風之谷蛋包飯」，是日有朋友到訪，想食物更加多元化，叫啲特別啲嘅野食，所以趁住呢個機會試吓呢間小店。小店除左有蛋包飯之外，仲有意粉、炒飯、蓋飯、炒烏冬，漢堡包同小食提供，但得一讚嘅係佢地有素食系列，適合唔同需要嘅人仕，非常貼心。由於已經有其他食物，我地只係叫左一個意粉、一個炒飯同一個蛋包飯。海鮮汁帶子蛋包飯：平時蛋包飯好多時都係配咖喱汁或者蕃茄汁，海鮮汁又真係係無咁常見。雖然係以外賣盒上，但賣相都幾吸睛，除左有帶子外，仲有兩隻青口，全部都鮮甜彈牙，配埋嫩滑嘅蛋食，以及用珍珠米炒成嘅飯，口感一流，非常滋味。紅酒松露牛柳扁意粉：唔食牛肉同飲紅酒嘅我本身對呢個菜式就無咩興趣，不過朋友們就非常喜歡，牛味香濃，入口嫩滑，扁意粉仲有al dente 嘅口感，非常掛汁，配上酸酸地嘅紅酒味，成個意粉唔洗幾耐就被佢地清晒。吉列豬扒炒飯：我地都試左佢地嘅風谷炒飯系列，炒飯本身已有帶子、鮮蝦、粟米同青蔥，亦都可以加配吉列豬扒、多春魚、小丸子、炸豆腐、燒汁肥牛或者咖喱漢堡扒其中一款，更可以加$20 揀鮮茄煎爐魚。炒飯炒得夠乾身，粒粒分明，配菜揀左要吉列豬扒，厚身得黎仲
小店除左有蛋包飯之外，仲有意粉、炒飯、蓋飯、炒烏冬，漢堡包同小食提供，但得一讚嘅係佢地有素食系列，適合唔同需要嘅人仕，非常貼心。
由於已經有其他食物，我地只係叫左一個意粉、一個炒飯同一個蛋包飯。
海鮮汁帶子蛋包飯：
平時蛋包飯好多時都係配咖喱汁或者蕃茄汁，海鮮汁又真係係無咁常見。
雖然係以外賣盒上，但賣相都幾吸睛，除左有帶子外，仲有兩隻青口，全部都鮮甜彈牙，配埋嫩滑嘅蛋食，以及用珍珠米炒成嘅飯，口感一流，非常滋味。
紅酒松露牛柳扁意粉：
唔食牛肉同飲紅酒嘅我本身對呢個菜式就無咩興趣，不過朋友們就非常喜歡，牛味香濃，入口嫩滑，扁意粉仲有al dente 嘅口感，非常掛汁，配上酸酸地嘅紅酒味，成個意粉唔洗幾耐就被佢地清晒。
吉列豬扒炒飯：
我地都試左佢地嘅風谷炒飯系列，炒飯本身已有帶子、鮮蝦、粟米同青蔥，亦都可以加配吉列豬扒、多春魚、小丸子、炸豆腐、燒汁肥牛或者咖喱漢堡扒其中一款，更可以加$20 揀鮮茄煎爐魚。
炒飯炒得夠乾身，粒粒分明，配菜揀左要吉列豬扒，厚身得黎仲炸得金黃香脆，雖然配有沙律醬，但個人認為唔使點已經好好味啦，值得一提係廚師仲預先幫我地剪開好幾件，方便幾個人分享。
3 樣野加埋都唔洗$200，咁嘅價錢食到咁高質嘅外賣，都算係性價比高。
張貼
