十十川滬料理 (已結業)

約左屋企人係旺角食團年飯 揀左呢間係朗豪坊 food court 隔咗既十十川滬料理 見comment 唔錯地方都坐得舒服 呢到有套餐 、有散叫 、仲有中式放題 叫左個套餐前菜 叫左個凍盆椒麻雞 雞肉幾滑 醬汁 麻麻辣辣咁 好開胃 炸雲吞 即叫即炸 外皮薄脆 食落好香口 發菜蠔豉湯豆苗 金蠔都幾大隻豆苗幾嫩口用上湯浸 好清甜 三絲炒粉皮比起粉麵 粉皮食落更煙煙韌韌 三色椒 有用少少辣椒炒 惹味得黎吾會咸 最後當然要試呢到既小籠包可以揀唔同口味 酸菜魚湯同香辣小籠包出面比較少食到食落好有驚喜 酸菜魚湯真係有魚係入面 屋企人都好滿意 下次可以再同屋企人黎encore 呀