神石燒牛扒水產專門店 (如心廣場二期) (已結業)

久違好耐冇食嘅燒肉，今日約咗同姊妹過嚟一邊燒一邊食，一邊傾。食完再喺如心廣場行街，行程滿滿。餐廳做緊週年限定半額午市套餐，我哋嗌咗兩款，每人$100仲有找，真係非常抵食。套餐嘅肉用蒜蓉和香蔥醃製，滿滿非常香嘅香蔥味和濃郁嘅蒜蓉味。🐷豚肉套餐：一人份量火山燒肉盛🐷北海道千歲豚肉盛合 ，包括有三款豚肉1.北海道千歲豚肉，有明顯分開一半瘦肉一半脂肪，瘦肉同脂肪嘅比例，相對比較平均，豚肉又香又鮮甜2.西班牙豚五花，五花肉嘅脂肪最多，燒過之後又好香嘅豬油味，入口極之甘香鬆化，口裏充滿香味3.西班牙極豚肉，以瘦肉為主，大大塊肉質柔軟，豬肉味非常濃，但唔係豬肉嘅臊臭味，非常鮮甜。🐮牛肉套餐：一人份量火山燒肉盛🐮美國牛肉燒肉盛合，包括有三款牛肉1.美國安格斯牛肉，係三款牛肉當中牛肉味最濃嘅一種，甘香又juicy。2.美國特級牛五花，牛五花入口即化，有鮮甜嘅牛肉味和油脂香味，燒嚟食味道更加香。3.薄切蔥花牛舌，牛舌嘅肉柔軟又彈牙，好有咬口，而且唔會肥食多多都唔怕，佢比其他牛肉部位都更加鮮甜，蒜蓉和香蔥嘅味道亦令佢更加滋味。