大八方中國料理

營業中

休息中

作為九龍人，平時都少出新界食嘢，不過有好嘢食，對我嚟講幾遠都會去！深井除咗燒味出名，今次就想介紹呢間大八方中國料理，唔只食物質素高，連服務態度都非常好！到而家都仲好回味！每一樣都好好味！蝦餃同啲炸春卷 啲蝦好足料又大隻，京汁前蹄都好出色，勁入味，由於我鐘意食海鮮嘅關係，所以最鐘意係蒜香蝦球蝦，個芝士香真係令人回味幾日，蠔皇生扣翡翠鮑魚都好juicy易咬開！Staff話海派蒜泥白肉係呢度其中一個特色菜，味道果然同出邊嘅係唔同！有興趣可以嚟試吓！口水雞 同叉燒腸都大大份！最尾仲食埋芒果布甸，芒果果肉好鮮甜，而且大大粒，好好味！多謝呢度嘅Staff咁細心照顧每一位客人❤️絕對會有一種好賓至如歸嘅感覺！重點係價錢唔算貴！大推薦！是日menu:蝦餃（頂）炸春卷 海派蒜泥白肉 京汁前蹄 好芝味蒜香蝦球蝦 口水雞 叉燒腸（大） 蠔皇生扣翡翠鮑魚芒果布甸