Maki拉麵 (已結業)

呢間拉麵小店以木系裝潢為主, 加上手繪櫻花牆🌸, 有日式風情的⸝⸝⸝ 𓆸 餐廳主打4款拉麵, 分別有：特濃豚骨拉麵、黑蒜油豚骨拉麵、櫻花蝦辛辣拉麵、味噌豚骨拉麵。採用九州傳統口味, 如食材用上木耳而唔係用筍, 呢個就係九州拉麵嘅特色！✔️可以自由選擇麵質軟硬度, 亦可以追加紫菜、黑木耳、溏心蛋、叉燒等配料, 十分貼心💗 🍜「白」特濃豚骨濃湯拉麵拉麵有紫菜、日式叉燒、半隻溏心蛋🥚 用上12小時熬製而成嘅豬骨湯呈奶白色🤍, 湯底嘅豬骨味濃厚, 又唔油膩⸝⸝麵條用上幼身嘅白直麵, 軟硬度適中, 於湯中存放耐咗都保持到彈牙嘅口感; 溏心蛋非常香濃, 蛋白又好入味; 叉燒肥瘦比例適中, 有輕輕炙燒過, 誘發出焦香⸝⸝🍜「黑」黑蒜油豚骨拉麵湯底添加自家製黑蒜油提香, 蒜味香濃🧄 除咗拉麵, 餐廳仲有串燒食, 所有串燒都係即叫即燒~ 汁燒冬菇好入味, 完全吸收晒啲醬汁, 非常惹味！