牛摩+ (上水廣場) (已結業)

今晚又來到牛摩打邊爐。今次揀咗一個中價位嘅放題 - 美國IBP牛板腱，呢個餐嘅牛肉質素唔錯，而且又有少量海鮮，係經濟之選。湯底方面，一人一鍋，我哋揀咗壽喜燒同埋骨膠原啫喱雞白湯。牛肉同埋大部份配料都係用手機order，出面亦有蔬菜，丸類，壽司，醬料，飲品，甜品，可以自己去拎。肉方面，我哋梗係主攻美國IBP牛板腱，質素真係唔錯，牛肉味濃，而且因為刨得好薄，口感超嫩滑，淥幾秒就食得。另外豚肉同雞肉都唔錯。蔬菜方面，都有好多選擇。蔬菜充滿着湯汁嘅味道，好正👍🏻另外都推介蘿蔔，南瓜，粟米，本身都好鮮甜，再淥耐少少，就會非常入味。仲有其他配料都好出色，例如麻辣丸，麻吉燒，鴨血等等。最後食埋個牛摩飯，真係非常滿足！