豊勝手丼 (已結業)

今日去開銅鑼灣搵牙醫洗牙，洗牙之前梗係要食番餐好嘅，於是我就係附近嘅 登龍街搵到呢間嘅丼飯。 雖然話一個人食但都要食好架嘛。因為冇晚市關係，所以餐廳都是主要供應set 餐。佢嘅餐牌有好多選擇，有壽司，魚生飯，熱食都有，岩曬唔同人口味。而我就揀左鮮漬丼 HKD 268分別有三文魚醬油漬，油金魚醬油漬，赤身醬油漬，赤海蝦同三文魚子。講番啲刺身每款都會有兩件，三文魚子就更加好多。全部嘅刺身都十分之新鮮，食落非常滿意同滿足。而我最鍾意就係三文魚子，三文魚子粒粒飽滿晶瑩可口，當你當你用舌頭或者上顎壓破三文魚子時候，果種鮮味真是非筆墨可以形容。由於係套餐的關係，所以會附送湯同沙律。