佐賀山田 (已結業)

去完主題樂園玩，消耗太多體力，要食返餐豐富嘅😊出返青衣城，2樓有間任食燒肉火鍋嘅餐廳 - 佐賀山田，見到門口凍櫃放左幾舊靚牛，再睇埋Menu覺得幾吸引，所以就揀咗呢一間打邊爐。餐廳劃分為兩邊，一邊係燒肉，一邊就係火鍋。火鍋放題有幾個價位嘅套餐選擇，我地就決定叫「優質美國牛小排90分鐘放題」湯底方面，我哋揀咗比較少有嘅日本博多華味鳥雞白湯同埋麻辣鴨血湯。雞白湯冇令我失望，湯呈奶白色，雞湯突顯食材嘅鮮味，refill果陣店員會按返原本嘅湯底去加，唔會溝淡。套餐包左優質美國牛小排、極級美國和牛、嚴選美國牛肩肉、特選美國牛肩胛肉眼、牛舌…呢幾款除咗牛脂重，牛味都非常之濃郁，我地之後都keep住encore😚自助區嘅蔬菜好新鮮，幾乾淨企理，丸類都高質，好味。飲品選擇超過20款，仲有好多韓國台灣牌子，最驚喜係有日本suntory啤酒，唔係平價啤酒。甜品除左有日本明治雪條任食，仲多款一口甜品，我個人最鍾意Brownie😍Overall黎講，呢間餐廳食物種類豐富，用料高質，每一轉嘅肉類質素平均，而且價錢合理，用app落單方便，店員上菜速度都好快，下次我哋會黎試埋燒肉！