Kampoeng

營業中

休息中

每次經過糖街都對兩邊嘅印尼店抱有好奇心，今日終於嚟試吓佢😋🎈醬菜蛋豆腐先嚟個重口味沙律 - 用花生醬調配嘅醬汁絕不孤寒，甜甜傑傑地/ 醬下係爽脆豆芽豆腐長豆/ 雖然知道好heavy但會停唔到口咁食，如果有碗白飯應該可以食哂😆🎈香蕉葉烤魚極辣沙甸魚 - 見到表面已經知道勁嘢！有辣醬辣粉辣椒製成包滿成條魚/ 鐘意食辣嘅朋友先好叫😂🎈沙嗲牛肉&雞肉牛雞肉會先調味，食得出好有香矛味 果然係印尼餐廳/ 啖啖肉，係附近較為出色嘅串燒🎈燒乳鴿有驚喜 - 皮脆肉嫩勁juicy，上枱時熱辣辣/ 估唔到印尼餐廳都有高質乳鴿其實仲有好多其他菜式，不過兩個人食唔到咁多，下次再試！