Together (已結業)

朋友生日，想搵間好少少嘅餐廳同佢食生日飯，喺粉嶺竟然都搵到一間高質嘅西餐廳，簡直係大西北住戶嘅佳音👍🏻二人餐嘅價錢非常合理，而且都好啱胃口，就直接點左一個二人餐😬餐包係自製嘅麵包，唔係坊間來貨嘢，誠意十足，餐湯係薯仔湯Creamy之中又帶點薯仔獨有嘅口感! 吞拿魚牛油果他他～賣相非常討好，顏色紅紅綠綠的，順滑嘅口感加上旁邊帶微酸嘅黑醋，令人感到胃口大開😋小食拼盤～以炸物為主，每款有兩件，一人一件剛剛好🫶🏻配上黑松露醬更為矜貴，而串燒牛粒都非常惹味，一啲都唔韌👍🏻阿根廷紅蝦龍蝦汁手工扁麵～阿根廷紅蝦係半生熟狀態，口感非筆墨可形容，手工扁麵口感亦都係較為特別，非常實在的感覺，龍蝦汁更可以令整個菜式提升不少，鮮味十足💯美國豬鞍架～豬鞍兩邊煎到金黃色，只係落咗簡單嘅調味，可自選配上旁邊嘅醬汁，肉質非常厚同時唔會乾柴柴，好味道👍🏻牛角窩夫配雪糕～窩夫係用牛角包處理，厚度同口感非常特別！一層一層的，別有一番風味😋賣相方面都非常靚，雪糕以珍珠形式地呈現😍