Starry Night (已結業)

今日去左銅鑼灣間樓上餐廳，一入到去，都幾有氣氛幾有格調，啲位隔得都幾開坐得好舒服。今次叫咗個生蠔放題，首先嚟咗頭盤先，頭盤有煙三文魚，夠凍同幾好味。另外個蘑菇湯就比較濃味。坐咗一陣佢就好快上咗第一輪海鮮拼盤，分別有10隻蠔，蝦同埋螺。因為係放題嘅關係可以再叫，佢主要有兩款蠔，大隻嘅就係南非，海水味比較重；細隻嘅就係愛爾蘭，蠔味比較濃。兩款蠔都好Creamy，蝦同攞螺就係平時食自助餐嗰種。叫bar tender 調咗杯開胃嘅mocktail俾我，杯嘢叫咩名就唔記得咗，但係酸酸甜甜都幾開胃。總共食咗四轉，質素都係咁好。之後就上咗主菜，個紐西蘭羊架燒得幾好，有兩舊份量都好足夠，唔會話太勁羊酥味。最後當然叫多一轉啦，飽到唔知講咩好。