香馥樓

營業中

休息中

朋友知我中意食粵菜❣️帶我去左位於銅鑼灣新開業既香馥樓餐廳面積大，裝潢新派，整體感覺舒服！一口豆腐 豆腐炸到金黃色，外脆內嫩。豆味香濃，椒鹽惹味，一口接一粒食到停唔到口🤣。叉燒叉燒好厚切，肉質軟腍🐷肥瘦適中，有入口即化既感覺！最中意香甜既蜜汁，食落十分惹味。乳鴿肉質嫩滑多汁，香口又juicy亦唔會好油膩！功夫湯 功夫燉湯系猴頭菇姫松茸燉瘦肉湯，以紫砂茶壺上枱，可以保持茶壺裡燉湯既熱度，品嘗湯中既精髓。燉湯用料十足，味道清甜無味精，原汁原味。松子鮮肉粉絲煲🦀蟹肉味道鮮甜，份量都幾多，面頭加左蟹籽點綴令顏色更豐富吸引🧡粉絲軟硬程度恰好，精髓係加左椒麻油，好香口，送飯一流！椒麻安格斯牛柳粒 安格斯牛柳粒肉質多汁細嫩，富有嚼感。加左大蔥同埋椒麻油炒，麻辣焦香，又香又美味！楊枝甘露 口感豐富，配合新鮮芒果肉，鮮甜幼滑。店員超級好客，請我地飲蝶豆花特飲，落咗青檸、檸檬、柚子調制，味道消而不甜，有助解膩。