八居酒屋 (天文臺道) (已結業)

响尖沙咀行街行到攰，就去八居酒屋食飯喇，去到門口睇menu嘅時候，店員親切咁介紹，好啦，一於哩間 !餐單上食物款式不多，都無set揀，全部都要散叫，所以價格都比較貴。最後我地點咗三款菜。前菜係明太子。可以揀“隻燒”，即係燒得比較乾身，但我地就唔想太乾身，所以就無要求隻燒。如下圖，明太子本身偏鹹，所以下面配搭一片青瓜作中和，旁邊仲有白蘿蔔，連埋明太子一齊食十分配搭得宜。跟住就係汁燒厚切牛舌。哩款大家真係不能錯過，牛舌燒得啱啱好，有少少入口即溶嘅感覺，牛味都好香，讚 !最後一款就係雞扒喇，睇個樣有少少似“照燒雞扒”，不過餐廳係用走地雞，口感比較“煙un”，味道略淡，試都無妨。餐廳到8點幾就已經滿座，睇黎要試就要預先訂枱喇，否則就要好似小妹咁6點幾就黎到餐廳啦！😜