影片
更多
2015-05-01
5564 瀏覽
銅鑼灣食西餐，想搵間坐得舒服啲嘅，見依間環境唔錯，價錢合理，所以試下。因為朋友生日，所以book檯果陣講定到時叫甜品要加埋Happy Birthday。餐廳樓底高，好有空間感，我地五個人有梳化位坐，好舒服。仲有個露台俾人岀去呼吸同飲嘢。Set dinner價錢四百幾蚊起，散叫抵d，人多又可以叫多d，總共叫左兩個湯、一個沙律、一個頭盤、三個主菜同兩個甜品。亮點係個「馬賽漁夫湯」，上年去馬賽果陣睇旅遊書介紹馬賽魚湯，好岀名，好想試，要港幣二百幾蚊起，因為可以做主菜。但最後我喺馬賽只係飲左個普通魚湯，腥腥地，味道麻麻，我仲慶幸自己無試馬賽魚湯。所以果晚朋友話馬賽魚湯好飲，叫左，我有d猶豫。好在，真係好飲！個湯上枱果陣，用透明茶壺裝住，侍應將湯倒落裝住海鮮嘅碟。湯嘅味道似淡版龍蝦湯，我覺得好味過龍蝦湯，無咁濃咁稠。「鮮蝦牛油果沙律」好清新，無乜調味，清清地幾好。蟹餅就濃味左d，食五份一件已經夠，感覺有d膩。主菜份量夠多，最鍾意「蒸智利鱸魚」，好厚身大件，口感似鱈魚，好滑，正！仲有蜆伴碟。牛肝菌意大利飯同紅酒繪羊膝闊條麵都好入味，好香。甜品叫左「綠茶心太軟」同creme brûlée ，最欣賞係
銅鑼灣食西餐，想搵間坐得舒服啲嘅，見依間環境唔錯，價錢合理，所以試下。因為朋友生日，所以book檯果陣講定到時叫甜品要加埋Happy Birthday。
餐廳樓底高，好有空間感，我地五個人有梳化位坐，好舒服。仲有個露台俾人岀去呼吸同飲嘢。
Set dinner價錢四百幾蚊起，散叫抵d，人多又可以叫多d，總共叫左兩個湯、一個沙律、一個頭盤、三個主菜同兩個甜品。
亮點係個「馬賽漁夫湯」，上年去馬賽果陣睇旅遊書介紹馬賽魚湯，好岀名，好想試，要港幣二百幾蚊起，因為可以做主菜。但最後我喺馬賽只係飲左個普通魚湯，腥腥地，味道麻麻，我仲慶幸自己無試馬賽魚湯。所以果晚朋友話馬賽魚湯好飲，叫左，我有d猶豫。好在，真係好飲！個湯上枱果陣，用透明茶壺裝住，侍應將湯倒落裝住海鮮嘅碟。湯嘅味道似淡版龍蝦湯，我覺得好味過龍蝦湯，無咁濃咁稠。
「鮮蝦牛油果沙律」好清新，無乜調味，清清地幾好。
蟹餅就濃味左d，食五份一件已經夠，感覺有d膩。
主菜份量夠多，最鍾意「蒸智利鱸魚」，好厚身大件，口感似鱈魚，好滑，正！仲有蜆伴碟。
牛肝菌意大利飯同紅酒繪羊膝闊條麵都好入味，好香。
甜品叫左「綠茶心太軟」同creme brûlée ，最欣賞係個vanilla ice cream！好香滑！
隔離枱生日嘅原來係餐廳老闆，所以佢請我地食芒果糯米飯同壽飽！哈哈！多謝金牛座朋友！
成餐飯三百蚊位，依個質素算抵，而且服務周到，可以再去。
張貼
