木槇料理 (已結業)

今次嚟到灣仔緊係要去QRE PLAZA，呢座大廈有十數間食肆，今天我地選擇左去28樓食日本菜，開業只有幾個月的木槇料理，日本菜對於我來講係百吃不厭。餐廳環境優雅，仲有不得不提一入門口有排高吧枱高櫈位置，招呼仲好好添，果然係一門高消費的日本料理。小食叫左個日式煎餃子，皮薄內暖好好味呀！煎得好香好脆，餃子裡面肉質好林好滑，呢個質數，呢個價錢真係鸁晒。然後就來（特）壽司拼盤，有八件壽司及六件卷物，壽司非常新鮮好適合大人小朋友進食，壽司上面的魚生好厚好大片，剛剛好可以把底下的暖笠笠壽司飯蓋好, 比例上好好。細細件的壽司飯, 軟硬度適中，可以一啖輕輕食落口，正呀！