緣聚西日餐廳 (西裕街) (已結業)

好耐冇出去食飯，今晚終於可以食餐好啦。餐廳正中放左沙律吧，一邊有粟米粒、車厘茄、菠蘿等；另一邊就放左火鍋食物，有菜、烏冬、冬菇等。仲有飲品櫃同雪糕櫃呀，任揀。我地首輪叫左刺身，有三文魚、鮑片、帶子、拖羅、八爪魚等。刺身都新鮮嘅，三文魚都幾肥美，唔錯呀。蒜蓉燒蠔，蠔都幾大隻，加上燒過，所以入口好香，加埋蒜蓉一齊食好夾，蒜蓉嘅味喺口腔入面留左好耐，鐘意食蒜嘅人應該會好鐘意呢個。蟹粥，真係有蟹喺入面，粥都有蟹味，幾鮮味，粥唔會好稀。