影片
更多
2022-07-25
26 瀏覽
最近天氣好熱 成日都好似冇咩胃口一直心思思好想食下酸辣野見到呢間新開嘅酸菜魚好似幾吸引於是的起心肝book咗去食 揾返我嘅食慾😝******************************食物s: ✨必食冷鍋酸菜魚 (小辣) ($238)呢個就係我一心想食嘅酸辣野❣️酸菜魚成鍋上枱 已經較到適合可以即食嘅温度我哋叫左小辣 食落唔會覺得好辣 酸度、麻度同辣度調較得恰到好處除咗有大量花椒、八角外仲有好多芫荽調味 好香呀😍魚嘅份量俾得好大方 隨便一撈已經滿勺都係仲配有大量大豆芽菜、金菇同寬粉去骨魚片食落鮮甜幼嫩 好滑身😝酸菜係我鐘意嘅味 少少酸唔會咸索咗湯底變左麻香味十足 寬粉口感煙煙韌韌 好有咬口酸辣湯底唔會太油 食魚肉時偷飲少少都幾滋味👅呢碟個份量完全係可以3個人share㗎🤗✨皇牌口水雞 (小辣) ($92) 上枱時見佢紅噹噹 以為會好辣其實都係小辣個level嚟 都食到嘅雞肉份量正常 沾滿辣汁面上鋪滿大量芝麻同葱花食落好嫩滑 帶有麻辣香味整體感覺都幾好食✨麻辣海哲 (小辣) ($48) 呢味作為餐前前菜最適合不過❣️海哲非常爽口 第一啖有驚艷到因為真係好耐未食過咁爽口嘅海哲喇索晒啲辣汁一
一直心思思好想食下酸辣野
見到呢間新開嘅酸菜魚好似幾吸引
於是的起心肝book咗去食 揾返我嘅食慾😝
******************************
食物s:
✨必食冷鍋酸菜魚 (小辣) ($238)
呢個就係我一心想食嘅酸辣野❣️
酸菜魚成鍋上枱 已經較到適合可以即食嘅温度
我哋叫左小辣 食落唔會覺得好辣
酸度、麻度同辣度調較得恰到好處
除咗有大量花椒、八角外
仲有好多芫荽調味 好香呀😍
魚嘅份量俾得好大方 隨便一撈已經滿勺都係
仲配有大量大豆芽菜、金菇同寬粉
去骨魚片食落鮮甜幼嫩 好滑身😝
酸菜係我鐘意嘅味 少少酸唔會咸
索咗湯底變左麻香味十足
寬粉口感煙煙韌韌 好有咬口
酸辣湯底唔會太油 食魚肉時偷飲少少都幾滋味👅
呢碟個份量完全係可以3個人share㗎🤗
✨皇牌口水雞 (小辣) ($92)
上枱時見佢紅噹噹 以為會好辣
其實都係小辣個level嚟 都食到嘅
雞肉份量正常 沾滿辣汁
面上鋪滿大量芝麻同葱花
食落好嫩滑 帶有麻辣香味
整體感覺都幾好食
✨麻辣海哲 (小辣) ($48)
呢味作為餐前前菜最適合不過❣️
海哲非常爽口 第一啖有驚艷到
因為真係好耐未食過咁爽口嘅海哲喇
索晒啲辣汁一齊食 正呀👅
✨少爺炒飯 ($88)
估唔到川菜火鍋竟然會有炒飯食
呢個係唸住俾返啲“米氣”男朋友嘅
因為佢次次如果冇飯食 好快就會叫肚餓🤣
炒飯份量都幾大 睇落都算色彩豐富
配料有蝦仁、午餐肉、蛋、豆腐乾、香葱等等
食落有咸香味 係正常嘅炒飯味道
✨烤魷魚鬚(2串) ($38)
我好鐘意食烤魷魚
估唔到食酸菜魚竟然可以食埋串燒
魷魚鬚烤得啱啱好 少少脆身又唔會太乾
面上灑上香料 份外香口
不過佢話小辣 就唔係太覺得辣喇
如果辣少少 唔知會點呢❓
✨烤五花腩(2串) ($32)
同樣配上香料 味道食落都唔錯
不過相比起烤魷魚鬚
呢個就略為過火 有啲啲乾身
冇我期望果種肥腩肉油香 口感差左少少
✨藍莓沙冰 ($45)
藍莓味比較少見 所以一秒就點咗佢
沙冰大大杯 甜甜哋 作為解辣飲品真係一流❣️
有次唔小心成粒辣椒吞咗落喉龍
都係靠佢救返一命😆
******************************
環境：
呢度嘅環境都幾闊落 唔會有壓逼感
牆邊同間隔都有用綠色植物裝飾🌿
令到整體感覺更加有空間感 睇落都舒服啲
******************************
小結：
食完呢餐之後 食慾終於返返嚟啦😂
又可以繼續四圍揾好西食😍
整體嚟講 野食都幾好食
而酸菜魚同麻辣海哲特別出色
每人平均二百幾蚊 都算幾值
為食指數：8/10
性價比：8/10
環境舒適度：7.5/10
冷鍋酸菜魚
3 瀏覽
0 讚好
0 留言
2 瀏覽
0 讚好
0 留言
麻辣海哲
1 瀏覽
0 讚好
0 留言
11 瀏覽
0 讚好
0 留言
0 瀏覽
0 讚好
0 留言
張貼
