權記麵食專家

營業中

休息中

喺附近返工，經常都要搵不同嘅地方食午餐。因為想慳錢又想好味道，於是今日走到嚟石塘咀街市試吓同事介紹嘅麵檔。其實石塘咀街市有唔少嘅熟食攤檔，其中有幾間生意係特別好，不過今日同事想食麵，就坐低咗係呢間麵檔。我第一次嚟都唔知食邊樣好，見到個餐牌有兩個「手指公」喺雲吞同炸醬隔離，於是就隨便揀呢兩個餸，再配粗麵。一上枱就覺得好對版：- 炸醬好香，冇肥肉，仲要有冬菇絲- 雲吞啱啱好係一口一粒嘅size，鮮蝦爽脆，雲吞皮又薄又滑- 粗麵完全冇梘水味，仲有啲蛋香添呢個兩餸麵$35好好味，唯一要投訴嘅就係份量比較少，我唔使10分鐘就食晒，唔係好夠喉，下次再試吓其他餸先。