House 000 Bistro

營業中

休息中

想同朋友搵間靜靜哋嘅餐廳食飯傾計，House 000 Bistro絕對係合適嘅選擇！餐廳環境幽靜，復古嘅裝修風格好有情調。菜式亦好精緻，第一感覺已經非常好👍🏻 哈密瓜火腿配有機菜🍈薄片火腿鹹香，哈密瓜腍甜清新。 特選生蠔🦪每枱可以$50加購特選生蠔兩隻。生蠔鮮甜，肉質爽滑。 松露蘑菇湯🍄 好香松露味，但唔會太搶。蘑菇蓉濃厚。椰菜花海鮮湯🥦菜花本身嘅甜味，仲有陣陣堅果味，成個湯好creamy。魚乾🐟好香口，一啲都唔腥。愈食愈過癮😆 香煎法式鴨胸配新鮮藍莓醬🫐鴨胸用慢煮方式處理，然後用法式煎法，外脆內嫩，唔會柴口。配埋紅薯同南瓜打成蓉，提升層次。加上藍莓醬可以解膩。 卡邦尼意粉同坊間大部份嘅卡邦尼意粉唔同，餐廳冇用奶，而係用日本蛋燴煮，蛋黃沾滿每條意粉，一樣咁滑，仲多咗陣蛋香味😋 甜品（什果啫喱）熱情果醬酸酸甜甜，椰果有咬口。