厚福館 (黃埔天地) (已結業)

兒童節，中午想同個女打邊爐，見到黃埔嘅厚福館有一人一爐火鍋，環境又幾乾淨，梗係入去試吓。幾好喎，lunch嘅價錢可以食到晚餐嘅質素！入到餐廳，侍應哥哥好好人，見到仲有卡位，安排我哋入坐👍手切牛魔王 配公仔麵，炸魚皮封門柳、牛頸脊、金錢展、牛丸啱晒牛魔王，有唔同種類嘅牛肉，可以試吓唔同牛的部份，肉質都新鮮，充滿牛尾，雖然份量唔係好多，不過絕對夠食！真、龍王巨頭蝦出巡龍蝦湯配讚岐烏冬、炸魚皮有巨頭蝦、蜆同埋青口，加埋龍蝦湯湯底，巨頭蝦好鮮甜，個蝦頭真係好大，充滿蝦膏，好好食，夠晒鮮甜😋蜆又夠新鮮！龍蝦湯仲可以飲埋。芝士墨魚丸本人最鍾意，因為佢嘅芝士唔同出街嗰啲芝士墨魚丸，佢啲芝士好重芝士味，我最like !A5飛驒和牛2片入口即溶，雖然$48(兩塊)，但係個女話真係好好食！