影片
更多
2022-06-28
441 瀏覽
早兩日米紙出左一條越南牛河大戰實測有介紹呢間位於太子 由越南人主理嘅河內小店作為越南菜愛好者就直接bookmark左打算隔兩日就即刻去會一會佢 即係琴日🤣不過估唔到只係隔咗兩日 一去到就已經見到人龍______________________________️ 〰️ 招牌生牛肉湯河本身男朋友未食就打算加枱上面嘅調味料好彩我即刻截停佢 叫佢試左啖湯先飲完一啖佢就即刻打消咗個念頭 露出左滿意嘅表情🤭湯底濃郁唔咸 仲好鮮甜好香用上嘅肥牛肥瘦比例剛好 食落軟滑份量又多河粉都好夠滑 加埋個湯底真係好夾個人覺得河粉真係必試 心目中數一數二🫡〰️ 香茅雞扒撈檬上枱個時真係嚇咗一嚇 會唔會太足料啊老細🥹本身個碗已經唔細 再堆到滿一滿 不得了不過入返正題先.. 份量幾大都好 味道最緊要香茅雞扒煎炸到外層脆身帶焦香 調味剛好中間嘅雞肉食落好淋 又嫩又香 🥹💯撈檬汁感覺你平時嘅稀少少 但酸甜度都剛好雖然檬粉份量真係好多 但好食到一條都無淨🔥〰️ 越南法包食越南菜最鍾意 唔叫唔得嘅越南法包🫡本身以為佢哋只係撈檬同湯河出色 估唔到個法包食落都有驚喜🔥好鍾意佢哋烘到個包剛剛好 脆身又唔會過硬中間夾住厚到不得了嘅札肉同其他
早兩日米紙出左一條越南牛河大戰實測
有介紹呢間位於太子 由越南人主理嘅河內小店
作為越南菜愛好者就直接bookmark左
打算隔兩日就即刻去會一會佢 即係琴日🤣
不過估唔到只係隔咗兩日 一去到就已經見到人龍
______________________________
️ 〰️ 招牌生牛肉湯河
本身男朋友未食就打算加枱上面嘅調味料
好彩我即刻截停佢 叫佢試左啖湯先
飲完一啖佢就即刻打消咗個念頭
露出左滿意嘅表情🤭
湯底濃郁唔咸 仲好鮮甜好香
用上嘅肥牛肥瘦比例剛好 食落軟滑份量又多
河粉都好夠滑 加埋個湯底真係好夾
個人覺得河粉真係必試 心目中數一數二🫡
〰️ 香茅雞扒撈檬
上枱個時真係嚇咗一嚇 會唔會太足料啊老細🥹
本身個碗已經唔細 再堆到滿一滿 不得了
不過入返正題先.. 份量幾大都好 味道最緊要
香茅雞扒煎炸到外層脆身帶焦香 調味剛好
中間嘅雞肉食落好淋 又嫩又香 🥹💯
撈檬汁感覺你平時嘅稀少少 但酸甜度都剛好
雖然檬粉份量真係好多 但好食到一條都無淨🔥
〰️ 越南法包
食越南菜最鍾意 唔叫唔得嘅越南法包🫡
本身以為佢哋只係撈檬同湯河出色
估唔到個法包食落都有驚喜🔥
好鍾意佢哋烘到個包剛剛好 脆身又唔會過硬
中間夾住厚到不得了嘅札肉同其他配菜
食落好有層次 唯一係我自己麻麻地配沙律醬🫢
除咗越南發包之外 仲有豬扒雞扒法包等等
根據香茅雞扒嗰個質素
相信雞扒法包都一定好出色🥹
另外仲叫咗越南滴漏咖啡
飲落重烘焙香之餘 又唔會太過苦澀
______________________________
呢間小店真係好有驚喜 私心推介俾大家
價錢平之餘質素好好 性價比真係極高🥹！
不過大家要有心理準備等一等位
因為小店位置同人手都有限
嗰日見店員都踢晒腳
但係都仲好好禮貌安排得好好
期待佢哋快啲細舖搬大舖 一定會繼續支持🫡
張貼
