尚海人家 (譚臣道) (已結業)

原來灣仔都有高質上海菜外賣😍尚海人家位於灣仔譚臣道，只有少量堂食位，所以嗌咗幾樣菜式返屋企食，性價比都超高！🔸皇牌生煎包入到舖頭就會見到大鐵鑊上煎緊生煎包，好吸引！生煎包皮薄煎得香脆，入邊好多肉汁，餡料分量亦好足夠！🔸排骨蔥油拌麵大大塊排骨炸至金黃，肉質軟稔。拌麵上有乾蔥同蝦米，配埋蔥油撈勻，又香口又惹味！🔸上海鹹肉菜飯($32)唔好睇得四小片肉，每一塊都係濃濃鹹香，話咁快撈哂成碗飯🍚🔸雞絲粉皮 ($30)粉皮爽口雞絲份量亦多，但醬汁比較濃味，少醬就啱哂喇🙈