龍皇酒家 (開源道) (已結業)

好耐無去龍皇飲茶，今日專誠同媽咪去左觀塘飲下午茶。完全無諗過兩點幾差唔多三點都仲要等位，不過好快就有位。呢個炒飯好好食，所以材料都好新鮮。啲飯係一粒粒分開嘅，唔會炒到一pat pat。然後佢落咗啲叉燒粒同埋菜心粒，啲叉燒粒好好食好腍好新鮮，菜心粒好甜。蝦餃今日蒸得岩岩好，皮薄餡靚，啲蝦好甜好爽好。鹹水角都好好味，餡料好香，一啲都唔膩，個皮整得好煙韌，超好味。最後嘅馬拉糕比以往遜色，不過仍然都係好香好軟熟，只係發得唔夠高。整體嚟講，龍皇酒家嘅下午茶雖然加左價，無以前咁平咁抵食，不過質素好高，好值得去食。