影片
更多
2021-08-15
93 瀏覽
今次請朋友食生日飯，佢鐘意食特色菜，難得見到九龍區有中東菜，評語又唔錯所以就黎試下。本來前菜想叫個生羊肉薄切同八爪魚，但係店員話無，佢就推薦左個香煎法國雞肝。味道幾好，會有兩塊彼得包俾你包住雞肝食，咁就無咁漏。朋友仲食哂伴碟嘅洋蔥添，話好好食。前菜仲有個Classics Trio Dips Platter。有原味鷹嘴豆泥，黑松露味鷹嘴豆泥同烤茄子醬。又係會有幾塊彼得包俾你點嚟食，個包幾香幾軟熟，後尾我哋食哂仲encore左一兜包。個豆泥整得好滑，朋友比較鐘意黑松露味，個黑松露味唔會好濃但係會有少少香味。中間個烤茄子其實食唔出係茄子，加左啲生洋蔥同埋啲香草，食落會清新啲，平衡反兩邊嘅鷹嘴豆泥。主食就叫左個法國野兔脾配中東小米。野兔脾望落似雞脾，食落好似比雞肉彈牙同埋有一陣煙燻嘅味。側邊有啲茄醬，偏酸同有紅酒味。中東小米比想像中無咁腍，但係如果加左茄醬就會變左一pat野，個人無咁鐘意，所以就淨係用佢黎點兔肉。另外仲叫左個伊比利亞羊肋骨，攞過黎嘅時候聞到一陣好似臭狐咁嘅味，但係食落係無嘅。個羊皮焗得脆脆地，落嘅調味唔會太多仲可以食到羊味。最後梗係要食甜品，叫左個叫Katayef嘅甜品。好香肉
本來前菜想叫個生羊肉薄切同八爪魚，但係店員話無，佢就推薦左個香煎法國雞肝。味道幾好，會有兩塊彼得包俾你包住雞肝食，咁就無咁漏。朋友仲食哂伴碟嘅洋蔥添，話好好食。
前菜仲有個Classics Trio Dips Platter。有原味鷹嘴豆泥，黑松露味鷹嘴豆泥同烤茄子醬。又係會有幾塊彼得包俾你點嚟食，個包幾香幾軟熟，後尾我哋食哂仲encore左一兜包。個豆泥整得好滑，朋友比較鐘意黑松露味，個黑松露味唔會好濃但係會有少少香味。中間個烤茄子其實食唔出係茄子，加左啲生洋蔥同埋啲香草，食落會清新啲，平衡反兩邊嘅鷹嘴豆泥。
主食就叫左個法國野兔脾配中東小米。野兔脾望落似雞脾，食落好似比雞肉彈牙同埋有一陣煙燻嘅味。側邊有啲茄醬，偏酸同有紅酒味。中東小米比想像中無咁腍，但係如果加左茄醬就會變左一pat野，個人無咁鐘意，所以就淨係用佢黎點兔肉。
另外仲叫左個伊比利亞羊肋骨，攞過黎嘅時候聞到一陣好似臭狐咁嘅味，但係食落係無嘅。個羊皮焗得脆脆地，落嘅調味唔會太多仲可以食到羊味。
最後梗係要食甜品，叫左個叫Katayef嘅甜品。好香肉桂味，食落有啲似donut,。佢有兩隻餡，中東甜芝士就無咁甜，肉桂合桃個個就甜啲, 係試得過嘅。
今餐嘅生日飯都幾滿意，除咗食物好食，環境都幾有異國風情，而且店員都好有禮貌，成日都會多謝我哋又好樂意介紹食物。
Classics Trio Dips Platter
3 瀏覽
0 讚好
0 留言
香煎法國雞肝佐紅石榴汁
5 瀏覽
0 讚好
0 留言
Rabbit Leg
6 瀏覽
0 讚好
0 留言
Iberico Lamb Spare Ribs
9 瀏覽
0 讚好
0 留言
Katayef
1 瀏覽
0 讚好
0 留言
張貼
