陳家菜 @Freshlane (樂基商業中心) (已結業)

娘家在西營盤，今天特登買外賣去同媽咪撐枱腳。媽咪最怕味精，又只喜歡食中菜，這間令她很滿意。首先在openrice的陳家菜click「外賣自取」，選好食物和時間，畀埋錢，然後按時上德輔道西的樂基商業中心一樓自取。行小段樓梯上到去，見到一排好似速遞公司的智能櫃，㩒下個平板電腦，就會知道自己的食物在哪一格，打開就可自取。期間我見到有不少外賣平台的車手上來取餐，過程流暢。下次不自取可外賣速遞，真係好方便。我和媽咪都鍾意食雞，不過她唔食得辣，所以叫了兩種口味的一人套餐（$73），配埋個雞湯，好滿足。雞翼麻辣香鍋雞翼是單骨雞翼，食得方便。有木耳、蓮藕片和蘿蔔片等配菜，很豐富。花椒很香，不過都幾辣。秘製啫雞煲（不辣）雞肉嫩滑而且份量不少，配菜的木耳、青椒和洋蔥都好索味，個秘製醬汁甜甜吔好惹味，送飯一流。花膠雞湯真材實料住家湯，花膠半溶於湯水中，非常滋潤。