顏府御膳 (已結業)

平時多數食日本菜同西餐多，今次就去左銅鑼灣食高質中菜，餐廳走高格調路線，氣氛非常之有情調，無諗過食中菜也可以「撐腳枱」。餐廳上菜安排十分貼心，會等你吃完一道菜先再上另一道，確保每道菜都係新鮮熱辣。積木茄子/秘製臭豆腐積木茄子賣相似足金條，非常特別，炸衣做得好薄脆，茄子入口即溶，臭豆腐聞落去有臭味，但食落就幾惹味。三色素鵝腐皮包住木耳絲、蘿蔔絲同萵筍絲，十分清新。蟹肉蛋白冬茸羹啖啖蟹肉，十分足料，加上蛋白同冬茸，入口綿密，鮮味十足。花菇竹笙燉菜膽適合素食人士，湯底味道清甜。酸菜桂花魚球魚球選用左肉質細嫩既桂花魚，配料有萵筍、百葉同薯粉，配料吸收曬湯底既味道，酸中帶麻辣，十分過引。金榜醬六頭大虎蝦大虎蝦份量十足，肉質爽口彈牙，金榜醬富有極濃郁既東南亞風味，跟大虎蝦極為匹配。八珍老薑一口黑豚肉黑豚肉肉質細嫩，入口鬆軟，似薑醋味既咕嚕肉，配老薑同橋頭，十分開胃。蟲草花珍菌濃湯浸時蔬湯底呈金黃色，豐富菇菌香氣，濃郁鮮甜，蔬菜可清清油膩感。擔擔麵湯底麻香味重，配上肉燥，非常美味。嫩雞煨麵雞肉嫩滑，湯底鮮味濃郁，麵條充份吸收湯汁，不禁一口接一口。番薯糖水/棗茸糕番薯糖水薑味十足，配上芝麻湯丸。棗茸糕