禮記 (已結業)

☆ 禮記將軍澳唐俊街23號MONTEREY Place地下G19號舖✦ 銀芽肉絲脆麵一上枱真係好興奮，不停係咁幫佢影相，真係實在太有趣啦，平時平平無奇嘅肉絲炒麵，而家反晒地心吸力咁凌空係到，唔影多幾張相打卡真係對唔住自己。影完店員會幫手剪開麵條，十分細心。(最尾有片)好！講返味道先，麵質好脆好香口，淋多d汁就會軟身d，隨個人喜好調節，鐵板好夠熱，食到尾都仲係好熱，好正！✦ 特色三小碟• 木魚花皮蛋豆腐好清新，加埋佢個汁一齊食好味。• 話梅南瓜呢個正呀！酸酸甜甜，南瓜好入味，係好開胃嘅前菜。• 涼拌雙木耳辣辣地，木耳好爽口，好食！✦ 鴻運脆皮雞我平時食雞係唔食皮嘅，但係就係呢隻雞我會肯食皮，因為真係好脆同埋無多餘肥膏，然後肉又滑，真係好好味(〃ω〃)✦ 瑰荔堂煌坐低無耐店員就比住壺茶我地先，倒出黎已經覺得好，飲落好有玫瑰味，但又無搶左茶味，亦都無澀嘅感覺，好飲！餐廳裝修幾靚，一路播住純音樂好舒服，服務都好好，係質素高嘅中餐廳。