川燒 (已結業)

老公之前同朋友已經試過呢間串燒店，所以今次專登同我嚟呢度食好西～一嚟到睇個menu已經有超多唔同種類嘅串燒同熱食可以揀，除咗有一般嘅串燒，仲有好多自創獨家嘅菜式！🥢甲羅燒併多士😋一般嘅甲羅燒就係將蟹肉，蟹子撈埋一齊燒，不過呢度嘅甲羅燒係將撈埋嘅蟹料連多士一齊食，令到蟹肉嘅鮮味更突出同埋口感更豐富🥢燒法式鵝肝多士😋真係無諗過會喺一間串燒餐廳食到咁高質嘅鵝肝，煎香嘅鵝肝唔單止大塊又juicy，加埋秘製醬汁，搞到我哋點完再點！🥢燒豚肉生菜卷😋呢個菜真係超推介～嫩滑多汁嘅豚肉包住新鮮嘅生菜，一啖食落口，又多汁又爽口，加埋沙律醬，真係絕配！🥢燒麻辣日本淮山😋其實點呢個菜前都有啲驚會太辣，不過因為係麻辣，所以唔單止個辣度可以接受，再加埋超爽甜淮山，識食嘅朋友一定要試呢個～🥢黑松露燒腐皮溫泉玉子😋又係另一個菜式無諗過會喺串燒店出現，亦無諗過將呢幾種材料放埋一齊係咁夾咁好味，當中嘅黑松露真係勁香濃，加埋流心嘅溫泉玉子，正呀～《必試》香甜蜜桃雪葩‼️呢個雪葩真係好好味，綿綿嘅雪葩混入香甜嘅蜜桃，真係好味到想嗌呀～