Lockeroom Dining (朗晴坊) (已結業)

今日旺角早收工，一於早啲食飯唔好同人逼，食飽仲可以行多陣街㖭， 今日就嚟到朗晴坊Lockeroom足球主題餐廳，餐廳內外都有好多簽名球衣及閃卡，set dinner抵食又好味，仲有好多小食及甜品選擇。意式香烤深海石斑魚 $75石斑魚柳啖啖肉，煎得夠曬香口而且唔會好乾食落仲好juicy，魚柳上面鋪滿蕃茄粒同洋蔥食起嚟好清新。香烤美國牛肉眼扒 $258單點嗰一份肉眼扒五成熟，肉質夠幼滑，脂肪有豐富，而且又多肉汁，呢度嘅配菜嗰間裝薯蓉仲有啲羽衣甘藍，健康得哩顏色又靚😝即製梳乎厘班戟 $88食飽飽梗係叫返個甜品啦，其實甜品嘅選擇都有六款咁多，有蛋糕、燉蛋、心太軟等等，但我就係鍾情梳乎厘，鬆鬆軟軟，夠蛋香味。仲加咗個Dreyer's雪糕，一流嘅絕配。