喰楽

營業中

休息中

上個月去咗食呢間位於觀塘駱駝漆大廈入面嘅壽喜燒，分咗兩間店舖，一間得四張枱，所以假日最好都係book咗位先黎食😆Menu得三個套餐，每個餐只係肉類嘅分別，可以試到幾個唔同部位嘅和牛，其他都一樣係配埋前菜、飯、同埋甜品💕小編唔識評價肉🫢menu上冇講邊個餐係包含邊種肉，而店員都只係係燒之前輕輕介紹咗個名一次，食完都唔記得係邊個部位😂不過和牛嘅油脂分布好靚，擺落口有入口即融嘅感覺😋，同埋唔同部位有佢嘅軟韌度之分，有啲會比教油膩。值得一讚嘅係，我本來以為店員只係會燒頭一塊肉，點知係serve足全程，全足都好好態度，五星級服務🌟👍🏻👍🏻👍🏻但係如果想要有啲私隱，比較怕醜嘅人，可能呢間餐廳未必適合😹😹🤣本來以為得一碗白飯仔，但係我唔夠食🙊就嗌多咗一碗飯，點知食到後面仲有個濕炒飯，好飽好飽但係都食晒😋最後仲有個是日甜品，係豆腐雪糕🍦香甜得黎又唔會漏。✏️ 估唔到係工業大廈入面有間咁高質嘅餐廳！以為觀塘都係主打平靚正嘅平民美食多🤣 呢間食壽喜燒嘅餐廳surprise到我，價錢算係中等但食物非常高質，環境舒服唔會逼，確保每一位顧客都可以有優質嘅服務❤️