德美壽司 (裕民坊YM²)

營業中

休息中

北海道魚生丼 $142丼飯一共有四款刺身，每款有兩至三件，全部都係大件厚切。三文魚刺身超讚，肉質鮮嫩飽滿，油脂分佈好靚好平均；油甘魚刺身都好肥美，食落香口；至於蝦、帶子刺身味道鮮甜。隨餐仲附送湯、沙律，同牛奶布甸甜品，好抵食。-牛油果軟殼蟹卷 $88脆炸軟殼蟹好大隻好多肉，炸粉厚薄適中，蟹鉗多肉鮮甜，蟹腳香脆，而蟹身會卷係壽司入邊，估唔到軟殼蟹都好多蟹膏，配搭牛油果，味道出色。-冷赤麵 $47想食輕食嘅朋友可以試吓冷赤麵，麵質係唔彈牙嗰款，加入蔥花、芥末、鵪鶉蛋、脆脆落冷麵汁再沾麵食，口感微涼，食落入味。