影片
更多
2009-09-22
2 瀏覽
昨天放飯時間, 師傅冇咩食慾, 加上唔多肚餓, 所以索性小睡片刻; 但又唔知點解訓訓下又想出去逛下, 大概係心太野! 於是即刻出去行下, 但喺呢d鄉下地方, 邊有好地方可以散下步得架? 正當悶悶不樂之際, 忽然間師傅諗到附近有間咖啡店, 應該唔會太多人, 可以去坐下喎, 於是即刻出發!去到咖啡店外, 望下有咩好食或好飲啦, 點知個伙計已經行左出黎招呼, 眼見又冇咩人於是就決定入去坐下; 其實入去同出去都冇咩分別, 皆因呢間咖啡店係用開放式設計, 但感覺挺舒服! 坐底後即刻望下有冇正野先, 哎呀! 原來又係冇靚女, 正有少少失落之際, 師傅忽然有另一種感覺, 就係"牙痕", 想搵少少野咬下, 於是師傅就睇下有冇輕盈d嘅食物, 最後見到午餐其中一客係吞拿魚火腿意大利包, 於是就落單, 再加多一杯咖啡! 其實師傅一向都不太鍾意咖啡, 談不上欣賞, 更惶論研究, 但偏偏呢度咖啡選擇甚多, 喺唔知點揀嘅情況底下, 師傅就隨心揀左Xen秘調!落完單一條友四圍望, 冇靚女可供觀賞下, 唯有望下餐牌, 影下相咁啦! 終於等左一陣一杯熱騰騰嘅咖啡登場, 咦! 點解會係一杯齋啡? 黑忟忟唔多吸引, 加上齋
去到咖啡店外, 望下有咩好食或好飲啦, 點知個伙計已經行左出黎招呼, 眼見又冇咩人於是就決定入去坐下; 其實入去同出去都冇咩分別, 皆因呢間咖啡店係用開放式設計, 但感覺挺舒服!
坐底後即刻望下有冇正野先, 哎呀! 原來又係冇靚女, 正有少少失落之際, 師傅忽然有另一種感覺, 就係"牙痕", 想搵少少野咬下, 於是師傅就睇下有冇輕盈d嘅食物, 最後見到午餐其中一客係吞拿魚火腿意大利包, 於是就落單, 再加多一杯咖啡! 其實師傅一向都不太鍾意咖啡, 談不上欣賞, 更惶論研究, 但偏偏呢度咖啡選擇甚多, 喺唔知點揀嘅情況底下, 師傅就隨心揀左Xen秘調!
落完單一條友四圍望, 冇靚女可供觀賞下, 唯有望下餐牌, 影下相咁啦! 終於等左一陣一杯熱騰騰嘅咖啡登場, 咦! 點解會係一杯齋啡? 黑忟忟唔多吸引, 加上齋啡冇奶好寡好傷架嘛; 等多一陣迷底解開了, 原來花奶係另上, 任由食客自由添加, 呢一下師傅又覺得呢間食店想得幾周到; 皆因好似師傅呢類唔多鍾意花奶嘅食客, 就唔會覺得杯咖啡奶多少啡, 喧賓奪主喇, 自己想要幾多就落幾多, 洽到好處!
加入花奶同黃糖後, 師傅即刻試下杯咖啡; 以師傅角度黎睇, 呢杯咖啡帶出黎嘅香味並唔算濃, 但將隻杯攞埋個鼻度近少少, 就聞到非常之香濃, 令師傅精神為之一振; 再喝一口, 發覺咖啡並冇苦同澀嘅味道, 鑑於師傅放糖同奶亦不多, 能有這種效果, 堪稱神奇, 莫非真係秘調? 喝下一口神奇咖啡亦正好為黎緊嘅意大利包做好準備!
吞拿魚火腿意大利包一客有兩件, 將長長嘅意大利包切開兩件, 再放入藩茄, 火腿同埋吞拿魚; 本來應該仲有生菜, 但是日咁啱售罄, 師傅反而覺得冇生菜更好; 先講下個意大利包, 包身新鮮軟熟, 加上烘到脆脆地, 入口勁好味, 特別係師傅對麵包一向都麻麻地, 而今次呢個確實有水準, 淨係個包都一絕; 而裡面嘅藩茄夠新鮮, 加上汁多鮮甜, 好好味; 而火腿同吞拿魚雖然冇咩特別, 但呢個配搭竟然好味到不得了, 簡直係妙到毫顛, 加上白汁份量不多, 師傅真係不停口係咁食!
總拾黎講吞拿魚火腿意大利包同咖啡質素甚佳, 而環境都算舒服, 服務態度友善, 價錢又唔算平, 埋單四十八蚊! 好抵食又未算, 但喺呢d鄉下地方有間咁高水準嘅食店, 可以食下麵包, 嘆下又咖啡, 令師傅嘆左個高質素嘅午餐, 確實不錯! 師傅對呢間食店印象良好, 所以有機會一定會再黎, 笑臉當然值得一比啦!
張貼
