賞島咖啡屋

營業中

休息中

朋友去完旅行返嚟約左一齊食午餐 所以就揀咗呢間餐廳試下呢度嘅裝修好年輕 環境亦都好適合打卡 而且見到餐牌嘅lunch set 都幾吸引!一個set lunch仲包咗沙律或者餐湯主菜 同埋嘢飲 仲可以加是日甜品!頭盤我地揀左沙律同餐湯沙律好開胃 今日嘅餐湯係蕃茄湯 好濃嘅蕃茄味真材實料好好飲!我哋揀咗佢餐牌推介嘅兩款主食蒜油蜆肉花椒意大利麵特別嘅花椒味 香香辣辣咁非常之開胃而且蜆嘅份量都唔少!西京燒比目魚比目魚整得啱啱好 魚肉好滑 而且仲有薯蓉同埋沙律菜做配菜! 餐飲仲包左兩杯嘢飲我哋叫左蜜糖柚子檸檬同埋熱情果梳打兩杯嘢飲都係酸酸哋嘅 好開胃 而擺盤仲好靚添 好有儀式感最後我哋仲追加咗是日甜品 係tiramisu同埋 cheesecake tiramisu 嘅味道好濃郁 cheesecake亦都好啱我口味總括嚟講呢間餐廳嘅食物質素都唔錯下次有機會會再嚟試下佢嘅晚餐!